काठमाडौं, २ साउन । सेञ्चुरी कमर्सियल बैंकको ब्राण्ड एम्बासडरमा नेपाली क्रिकेटका कप्तान पारस खड्का र राष्ट्रिय महिला भलिबल टिमकी प्रतिभा माली नियुक्त भएका छन् ।
बुधबार काठमाडौंमा सेञ्चुरी कमर्सियल बैंकले पत्रकार सम्मेलन गरी कम्पनीको ब्राण्ड एम्बासडरमा नेपाली क्रिकेटका कप्तान पारस खड्का र राष्ट्रिय महिला भलिबल टिमकी प्रतिभा मालीलाई नियुक्त गरेको छ ।
बैंकले खेल क्षेत्रसंग सम्बध जोडिदै आफ्नो सेवाको विकास र विस्तारमा हातेमालो गर्ने क्रममा नेपाली खेलकुद क्षेत्रका दुई चर्चित व्यक्तिलाई एक वर्षका लागि ब्राण्ड एम्बासडरको रुपमा नियुक्त गरेको हो ।
