काठमाडौं, २८ साउन । निर्माण व्यवसायी महासंघका वरिष्ठ उपाध्यक्षसहित ४५ जनालाई प्रहरीले नियन्त्रणमा लिएको छ ।
महासंघका वरिष्ठ उपाध्यक्ष आङदोर्जे लामासहितको टोलीले आइतबार बिहान ललितपुरको चाकुपाटमा रहेको सडक विभाग र जावलाखेलस्थित सिँचाइ विभागमा ताला लगाउन खोजेका थिए ।
प्रहरीले ताला लगाउनबाट रोक्न खोज्दा पनि नसकेपछि उनीहरुलाई नियन्त्रणमा लिएको जनाएको छ ।
उनीहरूले ताला लगाएर सोही कार्यालयमा धर्ना पनि दिएका थिए । मागहरू पूरा गर्नुपर्ने भन्दै महासंघले विभिन्न चरणमा आन्दोलन गर्दै आएको छ ।
