काठमाडौैं । लैङ्गिक समानता र राष्ट्रिय मापदण्ड सम्बन्धी कार्यशाला गोष्ठीका सहभागीहरुले लैंगिक हिंसा महिलामात्र नभएर पुरुषमाथि पनि हुने गरेको बताएका छन् । काठमाडौं बिहीबार र शुक्रबार चलेको दुई दिने लैङ्गिक समानता र राष्ट्रिय मापदण्डसम्बन्धी गोष्ठीका सहभागीहरुले लैंगिक हिंसा अन्त्य हुनुपर्नेमा जोड दिए ।
विश्वभरका सात सय युनियनहरूको छाता युनियन पब्लिक सर्भिस इन्टरनेसनलले गरेको सो गोष्ठीमा नेपालभित्रका नौवटा युनियनका व्यक्तिहरू सहभागी थिए ।
कार्यशालामा लैङ्गिक हिंसा, सी १९० के हो र लैंगिक हिंसा कसरी कम गर्न सकिन्छ भन्ने विषयमा छलफल भएको थियो । सो क्रममा लैंगिक हिंसा महिलामाथि मात्र नभएर पुरूषमाथि नि दुर्व्यवहार हुने गरेको सहभागीले बताएका हुन् ।
उनीहरुले दुर्व्यवहारसम्बन्धी नयाँ नयाँ स्वरूपहरू आएका भन्दै सामाजिक सञ्जालमार्फत् पनि दुर्व्यवहार बढिरहेको बताए । कार्यक्रममा पब्लिक सर्भिस इन्टरनेसनलका एसिया प्यासिफिक महासचिव रामन कान्नन, बन्दना शर्मा, तिलकजङ्ग खड्का, राधिका कुइँकेल, मञ्जु थापामगर, कमला कुइँकेललगायतले आआफ्नो धारणा राखेका थिए ।
