दाङ, १० माघ । दाङमा प्रहरीले एक ब्यक्तिको हत्या गरेको आरोपमा ३ जनालाई पक्राउ गरिएको छ । पक्राउ पर्नेहरुमा राप्ती गाउँपालिका ६ निवासी ४८ बर्षीय मनिराम चौधरी, सोही ठाउँका ३८ बर्षीय धन बहादुर चौधरी र ३३ बर्षीय मोतिलाल चौधरी रहेको जिल्ला प्रहरी कार्यालय दाङले जनाएको छ ।
उनीहरुले बिहीबार दिउँसो करिब १२ बजेतिर सोहि ठाउँका ४० बर्षीय मोतिलाल चौधरीलाई दाउराको चिरपटले हानेर हत्या गरेको आरोपमा शुक्रबार पक्राउ गरिएको जिल्ला प्रहरी कार्यालय दाङले जनाएको छ ।
पक्राउ परेकाहरुले पूर्व रिसिईवीका कारण मृतक चौधरीकै घर नजिकै मकै बारीमा लखटी–लखटी दाउराको चिरपटले टाउकोमा प्रहार गरी हत्या गरी कुलोमा फालेको अनुसन्धान गर्दै जादाँ खुल्न आएको प्रहरीले जनाएको छ ।
पक्राउ परेकाहरु माथि ज्यान सम्बन्धि मुद्दामा अनुसन्धान भइरहेको जिप्रका दाङले जनाएको छ । उनीहरुले जिप्रका र इप्रका भालुवाङबाट खटिएको प्रहरीको टोलिले घटना घटेको २४ घण्टा भित्र पक्राउ गरेको समेत प्रहरीले जनाएको छ ।
