एजेन्सी, २५ भदौ । क्यारेवियन प्रिमियर लिग सीपीएलको फाइनल आज हुँदै छ । नेपाली समय अनुसार राति पौने ८ बजे शुरु हुने फाइनल खेलमा ट्रिनबागो नाइटराईडर्स तथा सेन्ट लुसिया आमने सामने हुँदै छन् । अपराजित रहेको नाइटराइडर्स चौथो उपाधि जित्ने लक्ष्यमा मैदानमा उत्रिने छ भने पहिलो पटक उपाधि जित्ने लक्ष्यका साथ सेन्ट लुसिया उत्रने छ ।
नाइटराईडर्सले सेमिफाइनलमा नेपाली खेलाडी सन्दीप लामिछाने आवद्ध जमैका तालवाजलाई ९ विकेटले पराजित गरेको थियो । त्यस्तै अर्को खेलमा सेन्ट लुसियाले जम्मा ४.३ ओभरमा गुएना अमेजनले दिएको लक्ष्य पुरा गरेको थियो ।
