एजेन्सी , १४ माघ । आर्सनल एफए कपको पाँचौं चरणमा प्रवेश गरेको छ । सोमबार राती भएको खेलमा आर्सनलले एएफसी बर्नमाउथलाई २–१ ले हराउँदै प्रिक्वार्टरफाइनलमा स्थान बनाउन सफल भएको हो ।
आर्सनलको जितमा बुकायो साका र इडी एनकेतिहाले एक एक गोल गरेका थिए । खेलको पाँचौं मिनेटमा साकाले गोल गर्दै आर्सनललाई अग्रता दिलाएका थिए भने २६ औं मिनेटमा एनकेतिहाले गोल गरेपछि आर्सनलले पहिलो हाफअघि दुई गोलको अग्रता लियो ।
यता इन्ज्युरी समयको चौथो मिनेटमा बर्नमाउथका सब्सिच्युट खेलाडी साम सुरिजले गोल गर्दै आर्सनलको अग्रता २–१ मा छोट्याए । अव आर्सलनलले प्रिक्वार्टर फाइनलमा तेस्रो डिभिजनको पोर्ट्समाउथसँग प्रतिष्पर्धा गर्नेछ ।
