हेटौडा, २१ पुस । प्रदेश नम्बर ३ को प्रदेश सभाको वैठक पुस २३ गते सम्मका लागि स्थगित भएको छ । पुस २२ गतेको प्रदेश सभा वैठकमा प्रदेशको राजधानीका विषयमा मतदान हुने भनिए पनि अव २३ गते मात्र वैठक वस्ने भएको हो ।
सभामुख सानुकुमार श्रेष्ठले पुस २३ गते दिउँसो ३ बजेसम्मका लागि वैठक स्थगित भएको बताउनुभयो । “प्रदेश नामाकरण सम्बन्धी कार्यविधि २०७६” प्रदेशसभाले स्वीकृत गरेको छ ।
मुख्य सचेतक रामेश्वर फुँयालले टेबुल गरेको प्रस्तावमा नेपाली कांग्रेसकी सचेतक राधा घले र विवेकशील नेपाली दलका नेता रमेश पौड्यालले समर्थन गरेका थिए । प्रस्ताव सर्वसम्मतीले स्वीकृत भएको छ ।
