काठमाडाैं, ७ पुस । राजधानीमा जारी सहिद स्मारक ‘ए’ डिभिजन लिग फुटबलमा साविक विजेता मनाङ मर्स्याङ्दी क्लबले लगातार दोस्रो जित निकालेको छ ।
त्रिपुरेश्वरस्थित दशरथ रंगशालामा सोमबार भएको खेलमा त्रिभुवन आर्मी क्लबलाई १–० गोल अन्तरले पराजित गर्दै मनाङले दोस्रो जित निकालेको हो । मनाङको जितमा दयानन्द सिंहले खेलको इन्जुरी समयमा गरेको गोल नै निर्णायक बन्यो ।
जितसँगै मनाङ लिगको शीर्ष स्थानमा उक्लिएको छ । मनाङले दुई खेलमा ६ अंक जोडेको छ । मनाङले आफ्नो पहिलो खेलमा अर्काे विभागीय क्लब एपीएफ क्लबलाई २–० गोल अन्तरले पराजित गरेको थियो ।
