एजेन्सी, १६ कात्तिक । फ्रेन्च च्याम्पियन पिएसजीविरुद्ध डिजोनले ऐतिहासिक जित हात पारेको छ । शुक्रबार राति घरेलु मैदानमा भएको खेलमा पीएसजी रेलिगेशन जोनमा रहेको डीजोनसंग २–१ गोल अन्तरले पराजित भएको हो ।
खेलको १९ औ मिनेटमा केलियन एम्बाप्पेले गोल गर्दै पीएसजीलाई सुरुवाती अग्रता दिलाएका थिए । पहिलो हाफको ईन्जुरी समयमा मौनिर चौयरले गोल गर्दै खेल बराबरीमा ल्याएका थिए । दोस्रो हाफको तेस्रो मिनेटमा जोन्डर काडिजले डीजोनका लागि विजयी गोल गरेका थिए ।
तालिकाको पुछारमा रहेको डीजोनले जित निकाल्दै दुई स्थान सुधार गरेको छ । पीएसजी १२ खेलबाट २७ अंक सहित तालिकाको शीर्ष स्थानमा छ भने डीजोन १८ औ स्थानमा रहेको छ ।
