हेटौंडा, ७ साउन । भारतीय कन्टेनरले किचेर हेटौंडामा दुई जनाको मृत्यु भएको छ । हेटौंडा उपमहानगरपालिका–१५ मा चुरियामाईमा सोमबार रातिदेखि बिग्रिर तेर्सो परेको भारतीय कन्टेनर अगाडी बढाउन खोज्दा कन्टेनर पल्टिएर दुई जनाको मृत्यु र पाँच जना घाइते भएका हन् ।
मालवाहक कन्टेनरलाई चुरियामाईको उकालोमा अगाडि बढाउन खोज्दा पछाडि हट्दा अरु थप पाँच वटा गाडीलाई ठक्कर दिएको प्रहरी कार्यालय मकवानपुरले जनाएको छ । भारतको रक्सौलबाट हेटौंडातर्फ आउँदै गरेको भारतीय मालवाहक कन्टेनर सोमबार रातिदेखि बिग्रिएपछि बाटो मै राखिएको थियो ।
हेटौँडाको चुरीयामाईमा भएको दुर्घटनामा परि ज्यान गुमाउने एकजनाको पहिचान खुलेको छ । ज्यान गुमाउने अटो चालक हेटौँडा बसामाडीका राजकुमार ढकाल रहेको जिल्ला प्रहरी कार्यालय मकवानपुरले जनाएको छ । मृतकमध्ये मोटरसाईकल चालकको भने अझै पहिचान भएको छैन् ।
तस्बिर : सामाजिक संजाल
