काठमाडौं, १५ मंसिर । निर्मलाका लागि न्याय भन्दै युवाहरुले राजधानीको माईतीघर मण्डलामा प्रदर्शन गरेका छन् । निर्मलाको लागि न्यायका पोष्टर सहित शनिबार माईतीघर मण्डलामा भेला भएका युवाहरुले घटनाका दोषिलाई नियन्त्रणमा लिन नसकेको भन्दै गृहमन्त्रीको राजीनामा माग गरेका थिए ।
उनीहरुले ‘निर्मलाहरुलाई न्याय दे’, ‘असक्षम गृहमन्त्री राजीनामा दे’, ‘प्रहरी पनि बिकेछन्, नेता बाट सिकेछन्’ भन्ने नारा लगाएका थिए ।
प्रहरीले एशिया प्रशान्त शिखर सम्मेलन मा विदेशी पाहुना आएको भन्दै यो समयमा विरोधका कार्यक्रम गर्दा नराम्रो संदेश जाने भन्दै प्रदर्शन नगर्न अनुरोध गरेको थियो । यद्यपि युवाहरुले भने प्रदर्शन जारी राख्दै नयाँ वानेश्वरसम्म नाराबाजी सहितको र्याली गरेका थिए ।
विभिन्न छानविन समिति गठन भएपनि घटनाको चार महिना वितिसक्दा पनि निर्मला पन्तको बलात्कार र हत्यामा संलग्न दोषिलाई सरकारले अझै पत्ता लगाउन सकेको छैन ।
