काठमाडौं, ७ भदौ । १५ वर्षमुनिको साफ च्याम्पीयनसीप अन्तरर्गत आज भएको नेपाल र भारतबीचको फुटबल खेलमा नेपाल भारतसँग पराजित भएको छ । आजको खेलमा नेपाल भारतसँग २-१ गोल अन्तरले पराजित भएको हो ।
राजधानीको सातदोबाटोमा आज समूह चरणको दोस्रो खेल भएको थियो । भारतसँग पराजित भए पनि नेपाल यसअघि नै सेमिफाइनलमा पुगिसकेको छ। नेपालले पहिलो खेलमा माल्दिभ्सलाई ६-0 ले पराजित गरेको थियो।
भारतसँग पराजित भएसँगै नेपाल समूह ‘बी’ को उपविजेतामा सिमित भएको छ । भारत समूहको विजेता बनेको छ । खेलको पहिलो हाफमा १–१ को बराबरी थियो । त्यसपछि खेलमा नेपालको कुनै गोल हुन सकेन र खेल भारतले २–१ गोल अन्तरले जित्यो । भारतका रविबहादुर रानाले ६५ औं मिनेटमा गरेको गोल खेलको निर्णायक बन्यो ।
