चितवन, २९ चैत । नारायणगढ–मुग्लिन सडकको बाटो विस्तारका क्रममा भित्तो काटिएपछि पहिरोको उच्च जोखिम रहेका ठाउँमा रोकथामको काम थालिएको छ ।
सो सडकको ३३ दशमलव २ किलोमिटर सडकमध्ये १७ दशमलव १ किलोमिटरमा सडक विस्तारका लागि भित्तो काटिएको छ । बर्षाको समयमा यात्रु र सवारीलाई समस्या नहोस् भनेर पहिरोको उच्च जोखिम रहेका ठाउँमा काम रोकथामको काम सुरु गरिएको हो ।
पहिरो झर्न नदिन बोल्टिङ, चट्टान झर्न नदिने संरचना निर्माण, जाली लगाउने लगायतका काम भइरहेको आयोजनाका इन्जिनियर शिव खनालले जानकारी दिए । सो सडकको १८ ठाउँमा पहिरोको उच्च जोखिम छ ।
