काठमाडौं, १० चैत । त्रिपुरेश्र–नागढुंगा सडक निर्माणको काम चाँडै पुरा गर्न स्थानीयले माग गरेका छन् । शनिबार गुर्जुधारा चोकमा दाबाबमुलक कार्यक्रम गर्दै स्थानीयले सडक निर्माणको काम छिटो सक्न सरोकारवाला निकायसँग माग गरेका हुन् ।
निर्माणमा ढिलाइ हुँदा धुलोको कारण सास्ती बेहोर्नुपरेको भन्दै उनीहरुले बर्षायाम अघिनै काम सक्न माग गरे । सडक निर्माण थालेको लामो समयसम्म पनि सम्पन्न नहुँदा धुलोका कारण व्यापार व्यवसाय चौपट हुनुका साथै र स्वास प्रश्वासजन्य रोगको संक्रमण बढेको उनीहरुको भनाइ छ ।
