काठमाडौं, १५ फागुन । काठमाडौं र स्पेनको मड्रिड सहरबीच भगिनी सम्बन्ध स्थापना भएको छ । मड्रिड सहरका उपमेयर लुइस कारलोस क्युटो अल्भारेज डी सोतोमायोर र काठमाडौं महानगरपालिकाका मेयर विद्यासुन्दर शाक्यले सोमबार राजधानीमा भगिनी सम्बन्ध सम्बन्धी सहमतिमा हस्ताक्षर गरेका छ्न् ।
कार्यक्रममा मड्रिड सहरका उपमेयर डी सोतोमायोरले दुई सहरबीचको सम्बन्धले दुईका सामाजिक, साँस्कृतिक, आर्थिक र प्राविधिक अनुभव आदान–प्रदान गर्न सहयोग पुग्ने विश्वास व्यक्त गरे। यसैगरी काठमाडौं महानगरपालिकाका मेयर शाक्यले यसखालको सम्बन्धले दुई देशबीच सम्बन्ध सुदृढ बनाउन सहयोग पुग्ने बताए ।
