काठमाडौं । स्पेनकी गार्बिने मुगुरुजाले पहिलो पटक विम्बल्डन टेनिसको उपाधि जितेकी छिन् ।
लन्डनमा भएको फाइनल खेलमा भेट्रान अमेरिकी खेलाडी भेनस विलियम्सलाई पराजित गर्दै मुगुरुजाले पहिलो पटक विम्बल्डन टेनिसको उपाधि जितेकी हुन् ।
२३ वर्षिय मुगुरुजाले पाँच पटककी विम्बल्डन विजेता ३७ वर्षिय भेनसविरुद्धको खेल ७–५ र ६–० को सोझो सेटमा जितिन् । मुगुरुजाको यो दोस्रो ग्रान्डस्लाम उपाधि हो ।
अघिल्लो वर्ष फ्रेन्च ओपनको फाइनलमा सेरेना विलियम्सलाई हराउँदै मुगुरुजाले पहिलो ग्रान्डस्लाम टेनिसको उपाधि जितेकी थिइन् ।
