भारतको राजधानी दिल्लीको मुंगेशपुरको अधिकतम तापक्रम ५२ डिग्री सेल्सियसभन्दा धेरै रेकर्ड गरिएको छ।
क्षेत्रीय मौसम पूर्वानुमान केन्द्रका अनुसार स्वचालित मौसम केन्द्रमा बुधबार यस मौसमको उच्चतम तापक्रम उत्तर पश्चिमी दिल्लीको मुङ्गेशपुर क्षेत्रमा ५२.३ डिग्री सेल्सियस रेकर्ड गरिएको हो ।
यसअघि मे आइतबार मुङ्गेशपुरको तापक्रम ४८.३ डिग्री सेल्सियस थियो। भारत मौसम विज्ञान विभाग आईएमडीले बिहीबार दिल्लीलगायत देशको उत्तरी भागका धेरै राज्यमा गर्मीको लहर लूको चेतावनी जारी गरेको छ।
आईएमडीका अनुसार पञ्जाब, हरियाणा, चण्डीगढ, दिल्ली, राजस्थानका धेरै भाग, उत्तर प्रदेश, पूर्वी मध्य प्रदेश, पश्चिम मध्य प्रदेशका केही भाग, बिहार, झारखण्ड, उडिसा र जम्मु डिभिजनका फरक फरक भागमा गर्मीको लहरदेखि गम्भीर गर्मीको लहर अवस्थाको सम्भावना छ।
बिहीबार पनि हिमाचल प्रदेश, विदर्भ र छत्तीसगढका विभिन्न भागमा लू चल्ने सम्भावना छ। आइएमडीले दिल्ली र एनसीआर, खर्खोडा, झज्जर, सोहाना, पलवल, नुह, औरङ्गाबाद, होडलका पृथक ठाउँमा र छेउछाउका क्षेत्रमा २० देखि ३० किलोमिटर प्रतिघण्टाको गतिमा हल्का तीव्रताको वर्षा र हावा चल्ने अनुमान गरेको छ।
यसअघि मंगलबार राजस्थानको चुरु राज्यमा ५०.५ डिग्री सेल्सियसको रेकर्ड रेकर्ड गरिएको थियो। यो सामान्यभन्दा ७.५डिग्री सेल्सियसभन्दा बढी हो।
