फागुन २९सरकारले औसतभन्दा बढी उपलब्धि हासिल नगर्नुमा काँग्रेस जिम्मेवार रहेको भन्ने प्रधानमन्त्री पुष्पकमल दाहाल प्रचण्डको अभिव्यक्ति झुटो र भ्रमपूर्ण रहेको नेपाली कांग्रेसले दोहो¥याएको छ ।
नेपाली काँग्रेसका प्रवक्ता एवं निःवर्तमान अर्थमन्त्री डा. प्रकाशशरण महतले मंगलवार पार्टी केन्द्रिय कार्यालय सानेपामा पत्रकार सम्मेलन गरी प्रधानमन्त्री प्रचण्डको अभिव्यक्ति झुटो र भ्रमपूर्ण रहेको भन्दै आपत्ति समेत जनाउनु भयो ।
निवर्तमान अर्थमन्त्री डा. प्रकाशशरण महतले गठबन्धन तोड्नुमा आफूलाई दोषारोपण गरेको भन्दै असन्तुष्टि जनाउदै
प्रधानमन्त्री प्रचण्डको दाबीको खण्डन गर्नुभयो ।
आफूले अर्थ मन्त्रालयको जिम्मेवारी लिँदा आर्थिक सूचकांकको अवस्था के थियो र अहिले के छ भन्ने तथ्यांक प्रस्तुत गर्दै उहाँले शिथिल अर्थतन्त्रलाई लयमा फर्काएको उहाँको दाबी छ ।
आर्थिक सुशासन र मितव्ययितालाई प्राथमिकतामा राखेर जगताका साथ काम गरेको भन्दै डा. महतले भने, ‘आर्थिक सहायता जथाभावी बाँड्नुभएन । गर्नैपर्ने बाहेकका आर्थिक सहायता दिनु हुँदैन भन्ने मान्यता राखेको उल्लेख गर्नुभयो ।
सालाखाला भन्दा उपलब्धि नहुने देखेपछि गठबन्धन फेर्ने निर्णयमा पुगेको प्रधानमन्त्रीको अभिव्यक्तिप्रति इंग्गित गर्दै मितव्ययी हुँदा, सुशासन सुनिश्चित गर्दा, दुरुपयोग नगर्दा उपलब्धि नहुने हो ? भनेर प्रश्न गर्नूभयो ।
चिनियाँ ऋण मात्र होइन, अनुदान लिन नमानेको आरोप छ नि भन्ने पत्रकारको प्रश्नमा डा महतले म चाहिँ अर्थमन्त्री नभएर प्रधानमन्त्री थिएँ कि भनेको जस्तो भएको जवाफ दिनु भयो । कम शर्त राखिएको सहुलियत पूर्ण ऋण वा अनुदान भयो भने मात्र स्वीकार गर्नुपर्छ भन्ने मान्यता राखेको डा महतको भनाइ थियो ।०००
