एजेन्सी, १३ माघ । इंग्लिस एफए कप अन्तर्गत शुक्रबार म्यानचेस्टर युनाइटेडले योभिल टाउनलाई सहजै पराजित गरेको छ । योभिलको घरेलु मैदानमा युनाइटेडले ४-० ले जित दर्ता गर्यो ।
खेलको ४१ अौं मिनेटमा मार्कस रासफर्डको गोलमा अग्रता लिएको युनाइटेडले दोस्रो हाफमा तीन गोल थप्यो । अार्सनलबाट म्यानचेस्टर युनाइटेड अाएका एलेक्सीस स्यान्चेजले डेब्यु गरेको खेलमा असिस्ट पनि दिए । उनकै पासमा अान्देर हरेराले ६१ अौं मिनेटमा युनाइटेडको अग्रता दोब्बर पारे ।
अन्य दुई गोल जेसी लिङ्गार्ड र रोमेलु लुकाकुले बेञ्चबाट मैदान पस्दै गोल गरेपछि युनाइटेडको जित पक्का भएको थियो।