काठमाडौं, ९ माघ । निर्वाचन आयोगले राष्ट्रिय सभा निर्वाचनमा भाग लिने २१ दललाई बोलाएको छ ।आयोगले निर्वाचनको प्रक्रिया र त्यसको व्यवहारिक अभ्यासबारे जानकारी गराउन २१ दलका प्रतिनिधिलाई बोलाएको हो ।

निर्वाचनमा भाग लिन आयोगमा २१ दल दर्ता भएका छन् । दर्ता भएर निर्वाचन चिन्ह पाएका दललाई एकल संक्रमणीय निर्वाचन प्रणाली र त्यसको ब्यवहारिक प्रयोग, मतदान र मतगणना लगायत बिषयमा जानकारी गराउन बोलाइएको आयोगका प्रवक्ता नवराज ढकालले जानकारी दिए ।आयोगको सभाकक्षमा आज छलफलपछि दलका प्रतिनिधिहरुलाई नमुना मतदानमा पनि सहभागी गराउने कार्यक्रम छ ।