काठमाडौं १८ मंसिर । धनकुटामा वडाध्यक्षलाई घरभित्र थुनेर अज्ञात समुहले आगजनी गरेका छन् । पाख्रिबास नगरपालिका–६ का वडाध्यक्ष देबेन्द्र गुरागाईको घरमा शनिबार राति आगजनी भएको हो ।
अध्यक्ष गुरागाई राति सुत्न माथिल्लो तला गएपछि भुई तला जाने ढिकमा मुनिबाट ताला लगाई तल्लो तलामा रहेको लुगा जम्मा गरेर आगो लगाइदिएको बुझिएको छ ।
कपडा डढेको गन्ध आएपछि उठेर गुरागाईले हेर्दा बाहिरबाट चाबी लगाएको देखे र छिमेकीलाई बोलाएर खोल्न लगाए । लुगा एकै स्थानमा जम्मा पारेर आगो लगाइएको र नजिकै ग्याँसको सिलिन्डर राखेको पाइएको उनको भनाइ छ ।
गुरागाईको घरमा कसले आगो लगायो भन्ने कुराको पहिचान भने सकेको छैन् । आगलागीबाट कपडा जलेर नष्ट भएको प्रहरीले जनाएको छ ।
