काठमाडौं,१५ कात्तिक । निर्वाचन आयोगले राष्ट्रिय सभाको चुनाव गर्ने तयारी गरेको छ । आगामी माघ १०,११ वा १२ गते गर्ने गरी तयारी अगाडी बढाइएको आयोगले जनाएको छ ।
यसबारे प्रमुख निर्वाचन आयुक्त दिनेश थपलियाले प्रतिनिधि सभाको राज्य व्यवस्था तथा सुशासन समितिको बैठकमा जानकारी दिएका हुन् ।
थपलियाले आगामी फागुन २० गते रिक्त हुने १९ पदका लागि माघ १०,११ वा १२ गते चुनाव गर्ने तयारी रहेको सुनाए ।
राष्ट्रिय सभा सदस्यहरुको पद रिक्त हुने एक महिना अघि नै निर्वाचन गराउनपर्ने संवैधानिक व्यवस्था छ ।
