काठमाडौं, ३ माघ । नेकपा एमालेले सरकारले राष्ट्रिय सभा निर्वाचन प्रभावित गर्न खोजेको आरोप लगाएको छ ।
एमाले स्थायी कमिटि बैठकले सरकारले प्रदेश प्रमुख र अस्थायी राजधानी नतोकेर निर्वाचन प्रभावित पार्ने चलखेल गरेको आरोप लगाएको हो । सरकारले राष्ट्रिय सभा निर्वाचनको मिति माघ २४ लाई तय गरेपनि निर्वाचन हुन नदिने आशंका बढेको एमालेको निष्कर्ष छ ।
त्यस्तै काम चलाउ सरकारले दीर्घकालिन असर पार्ने निर्णय गरेको भन्दै एमालेले कुनै पनि निर्णय नगर्न सरकारलाई ध्यानकर्षण गराएको सचिव योगेश भट्टराईले बताए । बैठकले राष्ट्रिय सभा उमेदवार प्रदेश तहबाटै सिफारिस गर्न मातहातका कमिटीलाई निर्देशन दिएको छ ।
