काठमाडौं,२९ साउन । निरन्तरको संसद अवरोधको विषयमा छलफल गर्न बसेको नेपाली काँग्रेस संसदीय दलको बैठक आज सकिदै छ । बैठक गत शुक्रबारदेखि सुरु भएको हो ।
नयाँ बानेश्वरस्थित संघीय संसद भवनको ल्होत्से हलमा बसेको बैठकमा संसद अवरोधको सम्बन्धमा छलफल भइरहेको छ । सोही एजेण्डामा आधारित भएर सांसदहरुले आ–आफ्नो धारणा राखिरहेका छन् । त्यसैगरी बैठकमा संसदमा विचाराधिन र प्रश्तुत हुनुपर्ने आवश्यक विधेयक, आ.व.२०८०/८१को बजेटको प्रभावकारी कार्यान्वयन र संसदमा नेपाली काँग्रेसको प्रभावकारी भुमिकाको विषयलाई पनि एजेण्डा बनाइएको छ । सो विषयहरुमा पनि सांसदहरुले आ–आफ्नो धारणा राखिरहेका छन् ।
बैठकमा बाढी, पहिरोले देशभरमा गरेको धनजनको क्षतिको राहत, उद्दार तथा पुनःस्थापना, पशु चौपायामा लागेको लम्पिस्किन रोगको रोकथाम र किसानलाई राहत, डेंगु, एडिनो भाइरस कन्जन्टिभाइटिस(आँखा पाक्ने रोग)को रोकथाम र उपचारका सम्बन्धमा सरकारलाई अनुरोध गर्ने विषय पनि समेटिएको छ । त्यसैगरी महंगि, प्रभावकारी सेवा प्रवाह र सुशासनको विषयलाई पनि छलफलको विषय बनाइएको छ ।
