काठमाडौं, ८ चैत्र । दैलेखमा मनकामना ग्यास सिलिन्डर बोकेको ट्रक दुर्घटना हुँदा ३ जनाको मृत्यु भएको छ ।
नेपालगन्जबाट दैलेख जाँदै गरेको भे १ ख २२०१ नम्बरको ट्रक गुराँस गाउँपालिका ४ तालपोखरीमा दुर्घटना हुँदा ३ जनाको घटनास्थलमै मृत्यु भएको प्रहरीले जनाएको छ ।
मृत्यु हुनेमा चालक कृष्ण चौधरी, लक्षिराम चौधरी र विष्णु चौधरी रहेका छन् । जिल्ला प्रहरी कार्यालय दैलेखको अनुसार सहचालक प्रकाश कुमाई घाइते भएका छन् ।
ट्रक सडकबाट करिब १ सय ५० मिटर तल खसेको छ ।
