काठमाडौं, २५ फागुन । आज तेस्रो राष्ट्रपतिका लागि निर्वाचन हुँदैछ । राष्ट्रपति निर्वाचनमा कसलाई मतदान गर्ने बारेमा निर्णय लिन राष्ट्रिय स्वतन्त्र पार्टीले बैठक बोलाएको छ ।
सो निर्णय लिन रास्वपाले संसदीय दलको बैठक बोलाएको हो ।
राष्ट्रपति निर्वाचनका लागि नेपाली काँग्रेसका वरिष्ठ नेता रामचन्द्र पौडेल र नेकपा (एमाले) का उपाध्यक्ष सुवासचन्द्र नेम्वाङ चुनावी प्रतिस्पर्धामा छन् ।
रास्वपाका १९ जना सांसद प्रतिनिधि सभामा रहेका छन् । बैठक ११ बजे बोलाइएको छ । राष्ट्रपतिका चयनका लागि ११ बजेदेखि ३ बजेसम्म समय तोकिएको छ ।
