काठमाडौं । नेपाली कांग्रेसको भोलि हुने संसदीय दलको नेतामा डा.शेखर कोइराला र गगन थापाको समुहबाट थापाले उम्मेदवारी दिने भएका छन् ।
आज बिहान बसेको बैठकमा कोइरालाको प्रस्तावमा थापाले संसदीय दलको नेतामा उम्मेदवारी दिने सहमति भएको हो ।
आगामी १५औं महाधिवेशनमा थापाले कोइरालालाई सहयोग गर्ने गरी समझदारी भएको स्रोतले जनाएको छ ।
केही बेरमा कोइराला र थापा बीच वान टु वान वार्ता हुने भएको छ ।
अब महामन्त्री थापा सभापति शेरबहादुर देउवासँग चुनावी मैदानमा भिड्ने भएका छन् ।
यसअघि नै अर्का महामन्त्री विश्वप्रकाश शर्माले थापालाई दलको नेतामा समर्थन गर्ने घोषणा गरेका थिए ।
कांग्रेसमा प्रतिनिधिसभामा ८९ जना सांसद छन् । आज ३ बजेसम्म उम्मेदवारी दर्ताको समय तोकिएको छ।
