बिहारमा रक्सि पिएर तीनदिनमा पचास बढीको मृत्यु | ईमाउण्टेन समाचार

Our Network

फागुन ११ २०८०, शुक्रबार

बिहारमा रक्सि पिएर तीनदिनमा पचास बढीको मृत्यु

एजेन्सी, १ पुस । बिहारको छपरामा नक्कली रक्सी काण्डमा नयाँ खुलासा भएको छ ।  प्रहरी चौकीमा बरामद गरिएको स्पिरिट कन्टेनरबाट ठूलो परिमाणमा स्पिरिट हराइरहेको छ ।

यसबाट विषाक्त मदिरा बनाइएको हुनाले मृत्यु भएको आशंका गरिएको छ । यो कतैबाट नभई प्रहरी चौकीबाट आपूर्ति भएको हो । यसको प्रमाण स्वरुप गाउँलेहरुले भिडियो बनाएर सम्बन्धित निकायमा पठाएका छन ।

उजुरीपछि मुख्य सचिव कारवाहीमा उत्रिए र सहआयुक्त कृष्ण पासवान र उपसचिव निरञ्जन कुमारलाई छानबिन गर्न पठाए । उनीहरुले हेर्दा कब्जा गरिएका स्पिटका ड्रमहरू खुला थिए। डम खोल्दा स्प्रिट थिएन । अहिले नमुना पटना पठाइएको छ । त्यहीँबाट प्रहरीको सहयोगमा प्रहरी चौकीबाट व्यवसायीलाई स्पिरिट उपलब्ध गराइएको गुनासो गरेका छन् । धेरै कन्टेनर ढक्कनहरू हराइरहेका छन्।

रक्सीका कारण मृत्यु हुनेको संख्या ५३ पुगेको छ । मंगलबार पहिलो दिन ५ जनाको मृत्यु भएको थियो । यसपछि बुधबार २५ र बिहीबार १९ जनाको मृत्यु भएको छ । शुक्रबार बिहानसम्म थप ४ जनाले नक्कली मदिरा सेवन गरेका छन् ।

सबैभन्दा बढी मृत्यु छपराको मशरख, अमनौर र मधौरा क्षेत्रमा भएको छ । यी व्यक्तिहरूले निजी क्लिनिक वा घरमा उपचार गरिरहेका थिए। मृत्यु हुनेमा तीन जना आफैं मदिरा बेच्ने गरेका छन् ।

Leave a Reply