एजेन्सी, २० कार्तिक। ला लिगा अन्तर्गत आइतबार राती भएको खेलमा रियल मड्रिड पलमसविरुद्व ३-० ले जित हात पारेको छ। खेल रियलको घरेलु मैदान सान्टियागो वर्नावेउमा भएको हो।
पहिलो हाफको ४१ औँ मिनेटमा मिडफिल्डर कासेमिरोले हेडिङ गर्दै स्कोर १-० बनाएका थिए ।
खेलको ५६ औं मिनेटमा एसेन्सियोले ३० यार्ड टाढाबाट आकर्षक गोल गर्दै आफ्नो टोलीको अग्रता दोब्बर बनाएका थिए । त्यस्तै क्रिस्टियानो रोनाल्डोको पासमा इस्कोले सहज गोल गर्दै रियलको ३ अंक पनि सुनिश्चित गरेका थिए ।
जितपछि १२ खेलबाट २३ अंक जोडेकों रियल मड्रिड अंक तालिकामा तेस्रो स्थानमा उक्लेको छ। भने शीर्ष स्थानको बार्सिलोनाभन्दा ८ अंकले पछि छ।
११औँ चरणको खेल समाप्तीपछि बार्सिलोना ३१ अंकका साथ शीर्ष स्थानमा छ भने २७ अंक जोडेको भ्यालेन्सिया दोस्रो स्थानमा छ। यस्तै मालागालाई २(० ले हराउँदै भियारियल पाँचौ स्थानमा उक्लेको छ। भियारियलका लागि दुवै गोल निकोलस सानसोनले गरे।
