काठमाडौँ, १० कार्तिक । श्रीलंकाबिरुद्धको पहिलो टि-ट्वान्टी क्रिकेटमा पाकिस्तान विजयी भएको छ। युएईको अबुधावीमा बिहीबार राति भएको पहिलो खेलमा पाकिस्तानले श्रीलंकालाई ७ विकेटले पराजित गरेको हो।

पहिलो टि – ट्वान्टी जितेसँगै पाकिस्तानले तीन खेलको शृंखलामा १-० को अग्रता बनाएको छ। श्रीलंका र पाकिस्तानबीचको दोस्रो खेल आज शुक्रबार हुँदै छ। यसअघि भएको ५ खेलको एक दिवसीय क्रिकेट शृंखलाको सिरिज भने पाकिस्तानले ५-० ले क्लिन स्वीप गरेको थियो। २ खेलको टेष्ट क्रिकेटमा भने श्रीलंकाले विजेता बनेको थियो।