काठमाडाैं । नेकपा एमालेका वरिष्ठ नेता तथा पूर्व प्रधानमन्त्री माधव कुमार नेपालले निरंकुश प्रवृत्तिको पराजय र नेपाली जनताको जित भएको बताएका छन् ।
प्रधानमन्त्री शेर बहादुर देउवालाई विश्वासको मत दिएका नेता नेपालले संसद बैठकपछि नेपाली जनताको जित भएको बताएका छन् ।
नेता नेपालले यो प्रतिनिधि सभाले स्थायित्व दिन सक्दैन भन्ने स्थापित गर्न खोजिएको तर त्यो असफल भइ निरंकुश प्रवृत्तिमा अंकुश लागेको बताउँदै जनता, लोकतन्त्र र संविधानको जित भएको बताएका छन् ।
त्यस्तै जनता समाजवादी पार्टीका संघिय परिषद् अध्यक्ष डा. बाबुराम भट्टराईले निवर्तमान प्रधानमन्त्री केपी शर्मा ओलीको अत्यन्त विध्वंशकारी हर्कत पतन भएको बताएका छन् । ओली सरकार पतनपछि हामीले शेरबहादुर देउवाजीको नेतृत्वमा सरकारमा गएका भन्दै डा. भट्टराईले यो एक प्रकारको ०६५ / ६६ पछि कांग्रेस, माओवादी र मधेशी दलको टुटेको सहकार्य फेरि जोडिएको बताए ।
यो सरकार निर्माण हुनु अहिलेको आवश्यक्ता रहेको समेत उनको भनाई थियो ।
