काठमाडौं । नेपाली कांग्रेसका सभापति शेरबहादुर देउवाले पदाधिकारी बैठक बोलाएका छन् ।
महाधिवेशनको मिति नजिकिएसँगै त्यसको तयारी र क्रियाशील सदस्यता विवादबारे छलफलका लागि आज दिउँसो सानेपास्थित पार्टी केन्द्रीय कार्यालयमा बैठक बोलाइएको हो ।
पार्टीको १४ औं महाधिवेशन नजिकिँदै गर्दा कांग्रेसमा क्रियाशील सदस्यताको विवाद चर्किएको छ ।
कांग्रेसको महाधिवेशनका लागि भदौ १६देखि १९ गतेसम्मको मिति तोकिएको छ भने वडा अधिवेशन भने साउन १२ गतेदेखि हुनेछ । सो अधिवेशन अगावै क्रियाशील सदस्यताको विवाद समाधान गरिसक्नु पर्ने दबाव कांग्रेसलाई छ ।
