काठमाडौं । बुधबार प्रधानमन्त्रीको सरकारी निवास बालुवाटारमा बसेको बैठकले दशौं महाधिवेशन आयोजक समितिलाई खारेज गरेको हो । खारेजगरेसंगै अब एमालेको सम्पूर्ण काम केन्द्रीय कमिटीकै नामबाट संञ्चालन हुने प्रवक्ता प्रदीप ज्ञवालीले बताएका छन् ।
बैठकले कोरोना महामारी नियन्त्रणका लागि सरकारले गरेको कामको उच्च प्रशंसा गरेको पनि ज्ञवालीले जानकारी दिएका छन् । त्यस्तै बैठकमा सवै नागरिकलाई तत्काल खोप उपलब्ध गराउन पनि आग्रह गरिएको छ ।
बैठकले स्थायी कमिटीमा रामबहादुर थापा बादल, लेखराज भट्ट, टोपबहादुर रायमाझी, मणि थापा, रघुवीर महासेठ, रघु पन्त, विष्णु रिमाल र बेदुराम भुसाललाई मनोनीत गर्ने निर्णय पनि गरेको प्रवक्ता ज्ञवालीले जानकारी दिएका छन् ।
नेता झलनाथ खनालको उपचार खर्च पार्टीले बेहोर्ने
वरिष्ठ नेता झलनाथ खनालको उपचारको जिम्म पनि पार्टीले लिने निर्णय भएको बताइएको छ । त्यस्तै एमालेको बैठकले बाढी, पहिरोजस्ता विपदमा उद्दार र राहतमा सरकारले खेलेको भूमिकाको उच्च प्रशंसा गरेको ज्ञवालीले जानकारी दिएका छन् ।
त्यस्तै बैठकमा मन्त्री कृष्णगोपाल श्रेष्ठबारे प्रश्न उठेको छ । केन्द्रीय सदस्य जगत विश्वकर्माले मन्त्री श्रेष्ठले जातीय विषयलाइै प्रश्य दिन खोजेको भन्दै राजीनामाको माग समेत गरेका छन् ।
मन्त्री श्रेष्ठको कदमबारे अध्यक्ष एवम् प्रधानमन्त्री केपी शर्मा ओलीलाई समेत गम्भीर हुन् विश्वकर्माले आग्रह गरेका छन् ।
