ललितपुर । ललितपुर महानगरपालिकाा कार्यपालिका सदस्यहरु एवं नगरपालिका सदस्यहरुले आफूहरुसँग छलफल नै नगरी बजेट ल्याउन लागिएको भन्दै आपत्ति जनाएका छन् ।
महानगरपालिकाले स्थानीय सरकार सञ्चार ऐन २०७४ को मर्म र भावनाको प्रतिकूल हुने गरी नगर सभा डाकिएको भन्दै त्यसको बहिष्कार गरेका छन् । कूल ३९ कार्यपालिका सदस्यहरुमध्ये बहुमत हिस्सा २६जना तथा ९२ नगर सभा सदस्यमध्ये ६६ जना उपस्थित नहुने भन्दै प्रेस विज्ञप्ति नै जारी गरी जानकारी गराइएको छ ।
नगर प्रमुखले असार ९ गते कार्यपालिकामा पेश गरेको नीति तथा कार्यक्रममाथि कार्यपालिकाका बहुमत सदस्यले अध्ययन गर्न पर्ने भन्दाभन्दै सोही दिन पास गर्नूपर्ने भनेर नगर प्रमुखले बलमिच्याइँ गरी आज नगरसभामा प्रस्तुत गर्न लागेको उनीहरुको आरोप छ ।
उनीहरुले सबैसँग संवाद समन्वय गरी कानुनी प्रक्रिया अनुरुप आगामी वर्षको नीति तथा कार्यक्रम पेश गर्न पनि विज्ञप्तिमार्फत् माग गरेका छन् ।
