कास्की । गण्डकी प्रदेश प्रमुख सीताकुमारी पौडेलले नयाँ सरकार गठनका लागि सांसदहरुलाई आह्वान गरेकी छन् ।
मुख्यमन्त्री पृथ्वीसुब्बा गुरुङले बिहीबार प्रदेशसभाबाट विश्वासको मत पाउन असफल भएपछि संविधानको धारा १६८ को उपधारा ५ बमोजिम सरकार गठनका लागि प्रदेश प्रमुख पौडेलले आह्वान गरेकी हुन् ।
बहुमतका आधारमा नयाँ सरकार गठनका लागि प्रमुख पौडेलले जेठ २९ गते दिउँसो ३ बजेसम्मको समय दिएकी छन् ।
गण्डकीमा नेपाली कांग्रेस, माओवादी केन्द्र, राष्ट्रिय जनमोर्चाको गठबन्धनले कांग्रेसका संसदीय दलका नेता कृष्णचन्द्र नेपालीलाई मुख्यमन्त्रीका रुपमा अघि सार्ने तयारी गरेका छन् ।
