दाङ । दाङमा श्रीमानले श्रीमतीलाई खुँडा प्रहार गरी हत्या गरेका छन्। गढवा गाउँपालिका २ का ४० बर्षीय धनिराम चौधरीले ४३ बर्षीय श्रीमती शिला चौधरीलाई गर्दनमा खुँडा प्रहार गरी हत्या गरेका हुन् ।
आइतवार विहान १० बजेतिर खुँडा प्रहार गरेको जिल्ला प्रहरी कार्यालय दाङका डिएसपी मुकुन्द्र प्रसाद रिजालले बताए ।
उनका अनुसार आपसी बिबादमा धनिरामले शिलामाथि खुँडा प्रहार गरी गम्भिर घाइते बनाएको र उपचारको लागि लमही तर्फ ल्याउँदै गर्दा बाटोमै उनको मृत्यु भएको बताईएको छ ।
खुँडा प्रहार गर्ने चौधरीलाई नियन्त्रण लिइ थप अनुसन्धान भइरहेको डिएसपी रिजालले बताएका छन्।
