नेपालगञ्ज । नेपालगञ्जमा थप २३३ जनामा कोरोना भाइरसको संक्रमण पुष्टि भएको छ।
भेरी अस्पतालका अनुसार २ सय ८८ जनाको पीसीआर जाँच गर्दा २ सय ३३ जनामा संक्रमित भएका छन्। अस्पतालले वैशाख १३ गते स्वाब परिक्षण लिएको हो।
कोरोना संक्रमित मध्य १ सय ३९ पुरुष र ९४ जना महिला रहेका छन्। नेपालगञ्ज मेडिकल कलेज, बागेश्वरी ल्याब र नेपालगञ्ज नाकामा गरिएको पीसीआआर जाँचको रिपोर्ट भने आइसकेको छैन।
नेपालगन्जको भेरी अस्पतालमा कोरोना संक्रमित बढेसँगै अक्सिजनको माग बढ्दै गएपछि अभाव हुन थालेको छ । सहयोगी दाताहरुले अक्सिजनको अभाव हुन नदिन सहयोग गर्ने कार्य जारी राखेका छन् ।
