काठमाडाैं । सत्तारुढ नेकपा एमालेको महाधिवेशन आयोजक कमिटी बैठक आज बस्ने भएको छ ।
प्रधानमन्त्री निवास बालुवाटारमा १ बजेपछि बैठक बस्न लागेको हो । बैठकमा राजनीतिक प्रतिवेदन, कार्यविभाजन, केही संगठनात्मक प्रस्ताव, उपनिर्वाचनको तयारी र समसामयिक प्रस्तावलगायतबारे छलफल र निर्णय हुने बुझिएको छ ।
एमालेको केन्द्रीय समितिलाई दशौं राष्ट्रिय महाधिवेशन आयोजक समितिमा रुपान्तर गरेपछि आज पहिलो बैठक बस्न लागेको हो । त्यसैगरी बैठकले विभिन्न स्थानमा पार्टीलाई असहयोग गर्ने नेताहरुलाई कारबाही अघि बढाइने पनि तयारी गरेको समेत बुझिएको छ ।
साथै पार्टीका विभिन्न निकाय गठन र त्यसको मिति तोक्ने विषयमा पनि छलफल हनेछ । बैठकमा सबै सदस्यलाई अनिवार्य उपस्थित हुन भनिएको छ ।
