सप्तरी, ११ चैत । सप्तरीको हनुमाननगर कंकालिनि नगरपालिका स्थित पोर्ताहामा सवारी दुर्घटनामा परि एकको मृत्यु भएको छ।
पुर्ब पश्चिम राजमार्ग अन्तर्गत पोर्ताहामा मंगलबार राति ना ७ ख ९३३९ नं. को ट्रकले ३३ प ७७१६ नं को मोटरसाइकललाई ठक्कर दिँदा कंचनरूप नगरपालिकाका २० बर्षिय देब कुमार चौधरीको घटना स्थलमै मृत्यु भएको हो।
मोटरसाईलमै सवार १९ वर्षीय प्रदिप मुखिया भने घाईते भएका छन। ट्रक र ट्रक चालकलाई नियन्त्रणमा लिई अनुसन्धान भईरहेको जिल्ला प्रहरी कार्यालय सप्तरीका प्रहरी नायब उपरिक्षक माधव प्रसाद काफ्लेले जानकारी दिए।