एजेन्सी, ५ चैत। इंग्लिश क्लब चेल्सी च्याम्पियन्स लिग फुटबलको अन्तिम ८ मा पुगेको छ ।
अन्तिम १६ को दोस्रो लेग अन्तर्गत बुधबार राति घरेलु मैदानमा भएको खेलमा चेल्सीले एथ्लेटिको मड्रिडलाई २–० गोल अन्तरले पराजित गर्दै समग्रमा ३–० को जितसहित क्वाटरफाइनलमा स्थान बनाएको हो ।
चेल्सीका लागि ३४ औँ मिनेटमा जियच र इन्जुरी समयको चौथो अर्थात ९४ औँ मिनेटमा एमर्सनले गोल गरे ।
एथ्लेटिको मड्रिडका साभिक ८१ औँ मिनेटमा सीधै रातो कार्ड पाएर मैदानबाट बाहिरिए । पहिलो लेगमा चेल्सी १–० ले विजयी भएको थियो ।
