पाल्पा, २० कार्तिक । पाल्पामा एक जना कोरोना संक्रमितको मृत्यु भएको छ । तिनाउ गाउँपालिका वडा नं. ६, डुम्रेका ४४ वर्षीय पुरुषको कोरोनाका कारण बुधबार बेलुकी मृत्यु भएका स्वास्थ्य कार्यालय पाल्पाले जनाएको छ ।
योसँगै पाल्पामा कोरोनाका कारण मृत्यु हुनेको संख्या १२ पुगेको छ ।
तानसेनको युनाइटेड मिसन अस्पतालमा उपचारको क्रममा ती पुरुषको मृत्यु भएको स्वास्थ्य कार्यालय पाल्पाका सूचना अधिकारी ओमप्रकाश पन्थीले जानकारी दिनुभयो ।
निमोनियाबाट ग्रसित ती बिरामीको स्वाब परीक्षण गर्दा कोरोना संक्रमण देखिएको उहाँले बताउनुभयो ।
