काठमाडौ, २४ असार । भक्तपुरको जगाति हुँदै काठमाडौं प्रवेश गर्ने नाकामा सवारी साधनको चाप बढेको छ । विभिन्न जिल्लाबाट देशको राजधानी काठमाडौं आउन लागेका सवारीसाधन को चाप बढेसंगै चेकजाँचका क्रममा सडकजाम समेत भएको छ ।
सो नाका हुँदै उपत्यका भित्रिनेहरुलाई गाडीबाट झारेर चेकजाँच गरिएको छ । सरकारले एक जिल्लाबाट अर्को जिल्ला प्रवेशमा रोक लगाएपनि अत्यावश्यक सवारी र सम्बन्धित निकायबाट पास लिएर आवतजावत गर्नेहरुको संख्यामा भने कमि आएको छैन् ।
सरकारले लक डाउन केहि खुकुलो गरेपछि उपत्यका भित्रिनेको भिड बढेको हो । मंगलबार भक्तपुरको जगातीमा उपत्यका भित्रने सावारीसाधनको चेकजाँच गरिएपछि सवारी साधनको लामो लाइन लागेको थियो ।
