चेल्सीको विजयी यात्रा जारी, इपिएल उपाधिमा एक्लो होड

  • चेल्सीको विजयी यात्रा जारी, इपिएल उपाधिमा एक्लो होड

काठमाडौं । इंग्लिस प्रिमियर लिग लिडर चेल्सीले सात अंकको अग्रता कायम राखेको छ ।

लिग अन्तर्गत बुधबार राति भएको खेलमा चेल्सीले म्यानचेस्टर सिटीमाथि संघर्षपूर्ण जित निकालेको हो ।

लिग लिडर चेल्सीलाई घरेलु मैदानमा भएको खेलमा जित दिलाउन दुवै गोल इडन हजार्डले गरे । म्यानचेस्टर सिटीका लागि सर्जियो अग्युरोले एक गोल फर्काए ।

खेलको १० औं मिनेटमा हजार्डले गोल गर्दै चेल्सीलाई सुरुवाति अग्रता दिलाए । तर २६ औं मिनेटमा अग्युरोले सिटीका लागि बराबरी गोल फर्काए ।

३५ औं मिनेटमा हजार्डले व्यक्तिगत दोस्रो गोल गर्दै पहिलो हाफमा चेल्सीलाई २–१ को अग्रता दिलाए । दोस्रो हाफमा सिटीले गोल गर्ने राम्रो मौका पाए पनि गर्न सकेन ।

जितपछि शीर्ष स्थानको चेल्सीको ३० खेलबाट ७२ अंक भएको छ । दोस्रो स्थानको टोटनह्यामको ६५ अंक छ । चौथो स्थानमा रहेको म्यानचेस्टर सिटीको ५८ अंक छ ।

 

By: रामचन्द्र अर्याल

1 month ago | खेलकुद

कृपया तपाईको प्रतिकृया यहाँ दिनुहोला!

Top News