श्रावण-७-२०७४

अमेरिकाकै बाटोमा बेलायत, अब ४१ बिमानमा ग्याजेट प्रतिवन्ध

  • अमेरिकाकै बाटोमा बेलायत, अब ४१ बिमानमा ग्याजेट प्रतिवन्ध

काठमाडौं । बेलायतले इलेक्ट्रोनिक्स सामान लिएर विमानमा चढ्न नपाउने नियम लागु गर्ने भएको छ ।

अमेरिकाले जस्तै बेलायतले पनि मध्य पूर्व र उत्तर अमेरिकी देशबाट क्याबिन ब्यागमा ल्याप्टप, ट्याबलेटसहितका इलेक्ट्रोनिक्स सामान राखेर विमान चढ्न नपाउने नियम लागु गर्ने भएको हो ।

बेलयतले टर्कीबाट पनि विद्युतीय सामान बोकेर विमान चढ्न नपाउने नियम लागु गरेको बिबिसीले जनाएको छ । अमेरिकाले स्मार्टफोन भन्दा ठूलो आकारका इलेक्ट्रोनिक्स सामान बोकेर विमान चढ्न नपाउने निमय लागु गरे लगतै बेलायतले पनि यो नियम लागु गर्ने निर्णय गरेको हो ।

अब टर्की, लेबनान, जोर्डन, इजिप्ट, ट्युनिसिया र साउदी अरेबियाबाट हुने सीधा उडानमा यात्रुले ल्याप्टपसहितका सामान बोक्न पाउने छैनन् । बेलायतको प्रतिबन्ध विभिन्न १४ एयरलाइन्समा लागु हुने बिबिसीले उल्लेख गरेको छ ।

यस्तै अमेरिकाका विभिन्न १० विमानस्थलमा सेवा दिँदै आएका नौ वटा एयरलाइन्स यो नियमबाट प्रभावित हुने छन् । डिभिडी प्लेअर, इलेक्ट्रोनिक्स गेमसहितका सामान पनि बोक्न पाइने छैन । टर्की सरकारले प्रतिबन्ध गलत भएको भन्दै निर्णय फिर्ता लिन माग गरेको छ ।


क्यानडाले पनि विमानमा इलेक्ट्रोनिक्स सामान बोक्न नपाउने नियम लागु गर्ने तयारी गरेको छ । सुरक्षाको कारण देखाउँदै इलेक्ट्रोनिक्स सामान प्रतिबन्ध लगाउन लागिएको हो ।

 

By: रामचन्द्र अर्याल

4 months ago | अन्तराष्ट्रिय

कृपया तपाईको प्रतिकृया यहाँ दिनुहोला!

Top News