जापान सागरमा उत्तर कोरियाको मिसाईल प्रक्षेपण, कोरियाद्धिपमा तनाव

  • जापान सागरमा उत्तर कोरियाको मिसाईल प्रक्षेपण, कोरियाद्धिपमा तनाव

काठमाडौं । उत्तर कोरियाले फेरि अर्को मिसाइल परीक्षण गरेको दक्षिण कोरियाका अधिकारीले बताएका छन् ।

उत्तर कोरियाले परीक्षण गरेको मिसाइल जापानको समुद्रमा खसेको र मिसाइलका बारेमा विस्तृत केही जानकारी नआएको दक्षिण कोरियाका अधिकारीलाई उद्धृत गर्दै बिबिसीले जनाएको छ ।

चीनसँग सीमा जोडिएको तोङच्याङ–री क्षेत्रबाट गएको सोमबार उत्तर कोरियाले मिसाइल परीक्षण गरेको दक्षिण कोरियाको सेनाले जनाएको छ ।

गएको महिना उत्तर कोरियाले नेता किम जोङ–उनको उपस्थितिमा नयाँ प्रकारको ब्यालेस्टिक मिसाइलको सफल परीक्षण गरेको थियो ।

संयुक्त राष्ट्रसंघले उत्तर कोरियामाथि कुनै पनि प्रकारको मिसाइल परीक्षण तथा आणविक प्रविधि प्रयोगमा प्रतिबन्ध लगाएको छ ।

तर उसले आफ्नो आणविक कार्यक्रमलाई निरन्तरता दिँदै आएको छ । गएको महिना भएको मिसाइल परीक्षणको संयुक्त राष्ट्रसंघ, अमेरिका, दक्षिण कोरिया तथा जापानले निन्दा गरेका थिए ।

 

By: रामचन्द्र अर्याल

2 months ago | अन्तराष्ट्रिय

कृपया तपाईको प्रतिकृया यहाँ दिनुहोला!

Top News